Azərbaycan Reqbi Federasiyasının "Respublika idman federasiyası" statusunu alması münasibəti ilə dünyanın 24 ölkəsindən reqbi ictimaiyyəti üzvləri, reqbiçilər, məşqçilər və azarkeşlər ARF ünvanına video formatda təbriklər ünvanlayıblar. Onların arasında Avropa reqbi reytinqində liderlərdən olan İrlandiya, İngiltərə və İtaliya kimi ölkələr də yer alıb.

Hazırlanması yekunlaşmaqda olan Azərbaycan Reqbi Federasiyasının inkişaf strategiyasının ilkin mərhələsində reqbi idman növünün məktəblərə gətirilməsi, uşaqların bu oyuna cəlb olunması ilə kütləviliyin artırılması, onlardan ibarət məktəb komandalarının yaradılması və Məktəb Liqasının keçirilməsi nəzərdə tutulmuşdur. Artıq 7 məktəb komandası bu yarışda istirak edir.

Azərbaycan Reqbi Federasiyasının press relizi

Azərbaycan dilində (PDF)

English version (PDF)

18-20 oktyabr 2024-cü il tarixlərində “Qarabağ” Reqbi Klubunun 2013-2014-cü il təvəllüdlü oğlanlardan ibarət komandası Gürcüstanın paytaxtı Tbilisi şəhərində keçiriləcək Sulxani Sulxanişvilinin xatirəsinə həsr olunan ənənəvi reqbi turnirində iştirak edəcək. Turnirdə Şuşa təmsilçisindən başqa Qazağıstanın “Rugby kids” və bir neçə yerli komandalar olmaqla ümumilikdə 16 komanda iştirak edəcəkdir.

24 sentyabr 2024-cü il tarixində saat 10:00-da Avropa Azərbaycan Məktəbinin Badamdar korpusunda ölkəmizdə ilk dəfə keçiriləcək tag-rugby üzrə Məktəb Liqasının açılış mərasimi keçiriləcəkdir. Tədbirdə fəxri qonaqlar qismində Böyük Britaniyanın Azərbaycandakı Səfiri cənab Fergus Auld və səfirliyin əməkdaşlarının, həmçinin Gürcüstanın Azərbaycandakı Səfiri cənab Zurab Pataradze, Azərbaycan Respublikası Gənclər və İdman Nazirliyinin və digər qurumların nümayəndələrinin iştirakı nəzərdə tutulmuşdur. Açılış mərasimindən sonra məktəbin idman zalında 5 və 6-cı sinif şagirdlərindən ibarət “Avropa Azərbaycan Məktəbi” və “Xəzər Universiteti Dünya Məktəbi” komandaları arasında Məktəb Liqasının açılış matçı keçiriləcəkdir.

Ötən il Azərbaycan Reqbi Federasiyası, Gürcüstan Reqbi Birliyi və Qazağıstan Reqbi Federasiyası tərəfindən imzalanan tərəfdaşlıq memorandumu çərçivəsində növbəti tədbir planlaşdırılıb.

2024-cu ilin may ayı ərzində ARF tərəfindən görülən işlər: Reqbi məşqlərinin keçirildiyi orta məktəblərin sayı 10-a çatdırıldı. Bu məktəblərdən biri Bakıda yerləşən 3 saylı uşaq evidir. Reqbi məşqlərinin keçirildiyi uşaq evlərinin və internat məktəblərinin sayının artırılması nəzərdə tutulur;