Şamaxıda reqbi bayramı
19 aprel 2022-ci il tarixində reqbi-7 üzrə məktəb komandaları arasında Şamaxı Olimpiya Mərkəzinin Kuboku keçiriləcək. Yarışda 4 komandanın iştirakı gözlənilir. Yarışın təşkilatçıları Şamaxı Olimpiya Kompleksi, Şamaxı rayonu Gənclər və İdman İdarəsi, Şamaxı rayonu Təhsil İdarəsi və Azərbaycan Reqbi Federasiyasıdır. Qalib və mükafatçılara kubok, medal və diplomların təqdim olunacağı turnirə həmin gün yekun vurulacaq.
Azərbaycan Reqbi Federasiyasının nümayəndələri Şamaxı Olimpiya Mərkəzinin reqbi komandasının məşq prosesində iştirak etdilər. Baş məşqçi Alxas Məmmədovun rəhbərliyi altında hazırlığını davam etdirən reqbiçilər aprel ayının 19 adı çəkilən Mərkəzin stadionunda təşkil olunacaq məktəblər arasında reqbi-7 turnirində iştirak edəcəklər.
Reqbi üzrə Azərbaycan Milli komandasının oyuncusu İbrahim Abzatov Vətənimizin keşiyində durmaq üçün könüllü olaraq cəbhəyə yollandı. Azərbaycan Regbi Federasiyası olaraq igid əskərlərimizin tezliklə qalibiyyətlə evlərinə, ailələrinin yanına dönməklərini arzulayırıq!
"Qarabağ" Reqbi Klubu bugünkü məşqini Azərbaycan Ordusuna həsr etdi. 2015-ci ildə klub yaradılarkən biz demişdik ki klubumuz gələcəyin əsgərlərini yətişdirəcək. Həmin gün yetişdi. Fəxrlə qeyd edə bilərik ki "Qarabağ"-ın ilk üzvlərindən olan, Gürcüstan reqbi klublarının diqqət mərkəzinə düşməyi bacaran Nəzər Cəfərov bu gün ən ağır döyüşlərin getdiyi bölgədə düşmənlə üz üzə döyüşür. Nəzərin timsalında bütün əsgər və zabitlərimizlə fəxr edirik! Allah ordumuzu, Vətənimizi qorusun! 
Bu gün "Qarabağ" reqbi klubunun uzun fasilədən sonra ilk məşqi "ASK Arena" stadionunda keçirilib. Məşq prosesinə ən aşağı yaş qrupunun uşaqları cəlb olunub.
