Bugün Avropa Azərbaycan Məktəbinin (EAS) idman zalında "Tag-rugby" üzrə birinci Məktəb Liqasının açılış mərasimi keçirilib. Tədbirdə Azərbaycan Respublikasının Gənclər və İdman Nazirinin müavini xanım Mariana Vasileva, Azərbaycan Respublikası Elm və Təhsil Nazirliyinin nümayəndəsi Elnur Əliyev, Gürcüstanın Azərbaycandakı səfirliyinin, Milli Paralimpiya Komitəsinin və digər qurumların nümayəndələri iştirak etmişlər. 

Mərasimdən sonra yarışın açılış oyunu baş tutub. EAS reqbiçiləri Xəzər Universiteti Dünya Məktəbinin kolləktivini qəbul ediblər. Olduqca maraqlı və gərgin mübarizədə kecən qarşılaşma 4:5 hesabı ilə qonaq komandanın qələbəsi ilə nəticələnmişdir. 

Birinci turun qalan iki qarşılaşması oktyabrın 4-ü baş tutacaqdır. Sumqayıt 10 nömrəli məktəbin komandası öz meydanında Sumqayıt 29 nömrəli məktəbin reqbiçilərini qəbul edəcəkdir. Şamaxı rayonu Sabir qəsəbəsinin orta məktəb komandası isə eyni gündə Qobustanın 1 nömrəli məktəbindən olan rəqiblərini qəbul edəcəklər.

Qeyd edək ki yarış dairəvi sitem üzrə keçirilir və yekunda ilk 4 pilləni tutan komandalar 1/2 final cütlərini müəyyən edəcəklər.