24 sentyabr 2024-cü il tarixində saat 10:00-da Avropa Azərbaycan Məktəbinin Badamdar korpusunda ölkəmizdə ilk dəfə keçiriləcək tag-rugby üzrə Məktəb Liqasının açılış mərasimi keçiriləcəkdir. Tədbirdə fəxri qonaqlar qismində Böyük Britaniyanın Azərbaycandakı Səfiri cənab Fergus Auld və səfirliyin əməkdaşlarının, həmçinin Gürcüstanın Azərbaycandakı Səfiri cənab Zurab Pataradze, Azərbaycan Respublikası Gənclər və İdman Nazirliyinin və digər qurumların nümayəndələrinin iştirakı nəzərdə tutulmuşdur. Açılış mərasimindən sonra məktəbin idman zalında 5 və 6-cı sinif şagirdlərindən ibarət “Avropa Azərbaycan Məktəbi” və “Xəzər Universiteti Dünya Məktəbi” komandaları arasında Məktəb Liqasının açılış matçı keçiriləcəkdir.

Yarış Bakı, Sumqayıt, Qobustan və Şamaxı şəhərlərində fəaliyyət göstərən ümumilikdə 10 məktəb komandasının iştirakı ilə 2 yaş dərəcəsində keçiriləcəkdir. Reqlamentə əsasən turnir cədvəlində ilk 4 yeri tutan komandalar “play-off” mərhələsinə yüksələcəklər. Məktəb Liqasının qalibi və mükafatçıları 28 iyun 2025-ci il tarixində müəyyənləşəcəklər.

“Tag-rugby” üzrə Məktəb Liqası Azərbaycan Reqbi Federasiyasının təşəbbüsü və Azərbaycan Respublikası Gənclər və İdman Nazirliyinin dəstəyi ilə təşkil olunacaqdır.

Media nümayəndələri tədbirlə bağlı əlavə məlumatları +994 55 2760168 telefon nömrəsi vasitəsi ilə əlaqə saxlamaqla əldə edə bilərlər.

Məktəb Liqası - press reliz - PDF-i endir