Azərbaycan Rugby-Union Milli Komandası (Kişilər)

Böyüklərdən ibarət Azərbaycan milli yığma komandası 2005-2013-cü illər ərzində müntəzəm olaraq Avropa Millətlər Kubokunda iştirak edib. Aşağı reytinq qrupunda qərarlaşan komandamız Bosniya, Slovakiya, Türkiyə, Norveç, Kipr və digər ölkələrin əsas komandaları ilə üz üzə gəlmişdir. Komandanın baş məşqçiləri mərhum gürcü mütəxəssis Quram Modebadze, Malxaz Çeişvili və azərbaycanlı mütəxəssis Vaqif Səadətxan olmuşlar. Hal hazırda ölkəmizdə yeni klubların aktiv yaradılması və yeni gənc oyunçuların cəlb olunması prosesi davam edir.

2024-2025-ci illər mövsümündən başlayaraq böyüklər arasında Azərbaycan milli çempionatının keçirilməsinə başlanacaq və bu prosesin gedişində milli yığma komanda üçün oyunçuların seleksiyası həyata keçiriləcəkdir. Milli komandamızın beynəlxalq yarışlarda iştirakı məhz həmin mövsümdən etibarən gözlənilir.