24 sentyabr 2024-cü il tarixində saat 10:00-da Avropa Azərbaycan Məktəbinin Badamdar korpusunda ölkəmizdə ilk dəfə keçiriləcək tag-rugby üzrə Məktəb Liqasının açılış mərasimi keçiriləcəkdir. Tədbirdə fəxri qonaqlar qismində Böyük Britaniyanın Azərbaycandakı Səfiri cənab Fergus Auld və səfirliyin əməkdaşlarının, həmçinin Gürcüstanın Azərbaycandakı Səfiri cənab Zurab Pataradze, Azərbaycan Respublikası Gənclər və İdman Nazirliyinin və digər qurumların nümayəndələrinin iştirakı nəzərdə tutulmuşdur. Açılış mərasimindən sonra məktəbin idman zalında 5 və 6-cı sinif şagirdlərindən ibarət “Avropa Azərbaycan Məktəbi” və “Xəzər Universiteti Dünya Məktəbi” komandaları arasında Məktəb Liqasının açılış matçı keçiriləcəkdir.
Ötən il Azərbaycan Reqbi Federasiyası, Gürcüstan Reqbi Birliyi və Qazağıstan Reqbi Federasiyası tərəfindən imzalanan tərəfdaşlıq memorandumu çərçivəsində növbəti tədbir planlaşdırılıb.
2024-cu ilin may ayı ərzində ARF tərəfindən görülən işlər: Reqbi məşqlərinin keçirildiyi orta məktəblərin sayı 10-a çatdırıldı. Bu məktəblərdən biri Bakıda yerləşən 3 saylı uşaq evidir. Reqbi məşqlərinin keçirildiyi uşaq evlərinin və internat məktəblərinin sayının artırılması nəzərdə tutulur;
Reqbi idman növünün ölkəmizdə yeni inkişaf mərhələsində Azərbaycan Reqbi Federasiyası yeni loqotipini ictimaiyyətə təqdim edir. Yeni dizayn milli simvollarımızdan biri olan alovun oval formada reqbi topu ilə sintezini əks etdirir.
Mart ayın 12-də Azərbaycan Reqbi Federasiyasının növbədənkənar ümumi yığıncağı keçirilib.
Oktyabrın 28-də Azərbaycanın reqbi üzrə “Qarabağ” klubunun yeniyetmələrdən ibarət komandası Gürcüstanın Lentexi vilayətində “Rugby World Georgia” və Gürcüstan Reqbi Birliyinin təşkil etdiyi beynəlxalq reqbi festivalında iştirak edib.
Bir müddət əvvəl Bakıda World Rugby bayrağı altında məşqçilər və hakimlər üçün birinci beynəlxalq dərəcəli seminar keçirildiyi haqda xəbər vermişdik. Bugün iştirakçıların sertifikatları təsdiqlənib və onlar rəsmən "World Rugby Level 1" sertifikat sahibi oldular. Məşqçiləri və hakimləri təbrik edirik və fəaliyyətlərində uğurlar arzu edirik!
