İdarə heyətinin üzvü

Quliyev Nadir Tahir oğlu

15 oktyabr 1975-ci ildə Sabirabad rayonunda anadan olub. 1992-ci ildə Sabirabad şəhər M.Ə.Sabir adına 1 saylı Şəhər orta məktəbinin bitirib. 1993-cü ildə Azərbaycan Qərb Universitetinin “İşgüzar İnzibatçılıq” fakültəsinə daxil olub və 1997-ci ildə həmin universiteti “Biznesin idarə olunması və iqtisadçı” ixtisası üzrə bitirib. 2011-ci ildə ikinci ali təhsil üzrə Azərbaycan Prezidenti yanında Dövlət İdarəçilik Akademiyasına daxil olub və 2014-cü ildə həmin Akademiyanı “Politoloq” ixtisası üzrə bitirib.

1997-1998-ci illərdə “Bakmil” Azərbaycan-İtaliya Birgə Müəssisəsinin satış şöbəsində mühəndis menecer işləyib. 1998-1999-cu illərdə isə Hərbi Xidmətdə olub. Hərbi Xidmət zamanı  Azərbaycan Respublikasının Hərbi Komisarlığında Qərargah Rəisinin köməkçisi olub.

1999-2000-ci illəərdə Sabir rayon Statistika İdarəsində Baş İqtisadçı, 2000-2002-ci illərdə Sabirabad rayon İcra Hakimiyyətinin İçtimai-siyasi şöbəsinin böyük referenti, şöbənin müdür əvəzi vəzifələrində çalışıb.

2002-2004-cü illərdə YAP Sabirabad rayon təşkilatında təlimatçı və rayon təşkilatının sədr müavini, 2005-2017-ci illərdə isə YAP Sabirabad rayon təşkilatının sədri vəzifələrində çalışıb.

2007-ci ildən hal-hazıradək Azərbaycan Futbol Federasiyaları Assosiyasiyasının Aran region üzrə nümayəndəliyinin rəhbəri və 2004-cü ildən isə Sabirabad rayon Gənclər və İdman İdarəsinin rəisi vəzifəsində işləyir. Hal-hazırda Azərbaycan Reqbi Federasiyasında İdarə Heyətinin üzvüdür.

2018-ci ildə Azərbaycan Vətən Müharibəsi Veteranları İctimai Birliyinin əsasnaməsi ilə təsdiq edilmiş “Milli Ordu-100” medalı, 2019-cu ildə Azərbaycan Respublikası Prezidentinin sərəncamı ilə “Dövlət Qulluğunda Fərqlənməyə görə” medalı, 2021-ci ildə Sabirabad rayon İcra Hakimiyyəti Başçısının “Vətən müharibəsi dövründə arxa cəbhədə fəallığı ilə fərqləndiyinə görə” Fəxri Fərmanı, Azərbaycan Qarabağ Müharibəsi Əlilləri və Şəhid Ailələri İçtimai Birliyi İdarə Heyətinin 21.01.2021-ci tarixli 08 saylı qərarı ilə “Fədai” medalı, Azərbaycan Vətən Müharibəsi Veteranları İctimai Birliyinin Sabirabad rayon şöbəsinin “Arxa cəbhədəki fədakar fəaliyyətinə görə” Fəxri Fərmanı ilə təltif olunub.

2021-ci ildə Azərbaycan Respublikası Gənclər və İdman Nazirliyinin qərarı ilə, “Fəxri Bədən Tərbiyəsi və İdman İşçisi” adına layiq görülüb.

Ailəlidir, iki övladı var.

Əvvəlki səhifəyə qayıt




455

Birlikdə Azərbaycan Reqbisini İdman ailəsində öz yerini almasına çalışaq

Əlaqələr