Səxavət Şöhrət oğlu Quliyev
10 dekabr 1984-cü ildə Bakıda anadan olub. 1991-ci ildə 205 nömrəli tam orta məktəbin 1-ci sinifinə gedib. 2001-ci ildə həmin məktəbi bitirib və Bakı Asiya Universitetinin jurnalistika fakültəsinə daxil olub. 2005-ci ildə ali məktəbi bitirib.
2003-cü ildə Azərbaycan Televiziya və Radio Verilişləri Qapalı Səhmdar Cəmiyyətinə müxbir vəzifəsinə işə götürülüb.
2004-cü ildən Azərbaycan Dövlət İnformasiya Agentliyində (AZƏRTAC) aparıcı müxbir vəzifəsində işləyir. Azərbaycan Dövlət İnformasiya Agentliyinin həmkarlar ittifaqı komitəsinin gənclər komissiyasının sədridir.
Azərbaycan Jurnalistlər Birliyi və Azərbaycan İdman Jurnalistləri Federasiyasının üzvüdür.
2012-ci ildə Gənclər və İdman Nazirliyi tərəfindən saytlar və qəzetlər üzrə ilin ən yaxşı jurnalisti seçilib.
2013-cü ildə Yunanıstanda Beynəlxalq Olimpiya Akademiyasında yay Olimpiya məktəbində iştirak edib.
2014-cü ildə Azərbaycan Milli Paralimpiya Komitəsi tərəfindən xüsusi plaketlə təltif olunub. Həmin il Çində təşkil olunan gənclərin yay düşərgəsinin iştirakçısı olub.
2017-ci ildə Azərbaycan Milli Olimpiya Komitəsinin orqanı olan “Olimpiya dünyası” qəzeti tərəfindən “İlin idman jurnalisti” nominasiyasının qalibi olub. Həmin il Türkmənistanın paytaxtı Aşqabadda keçirilən V Asiya Oyunları çərçivəsində beynəlxalq seminarda iştirak edib.
Ailəlidir, iki övladı var.