19 dekabr 132-134 saylı təhsil kompleksində "Enermech Rugby-5" layihəsi çərçivəsində reqbi-5 üzrə ilk məşq sessiyası keçirilib. Məşqdə 35 nəfər olmaqla 7-ci və 8-ci sinif şagirdləri iştirak ediblər. Federasiyanın məşqçiləri tərəfindən uşaqlara reqbi haqqında məlumat verilmişdir, reqbi-5 oyununun qaydaları izah olunmuşdur və oyunla tanışlıq xarakterli məşq hərəkətləri verilmişdir. Məşqin sonunda uşaqlar bir neçə komandalara bölünmüş və touch-rugby oyununda qüvvələrini sınamışlar. Məktəblilərin qaydaları tez bir zamanda öyrənməsi və məşqdə böyük maraqla iştirak etməsi çox sevindirici hal oldu.